Notifier: бот паведамленняў у тэлеграм

Што робіць бот Notifier

Notifier — тэлеграм-бот для паведамленняў пра падзеі. Ён злучае вашы сістэмы — сайт, інтэрнэт-краму, CRM, склад, сервер — з месенджарам, у якім каманда і так праводзіць дзень. Як толькі адбываецца нешта важнае, бот дасылае кароткае паведамленне туды, дзе яго прачытаюць за хвіліну: мэнеджару, у чат аддзела ці ў агульны канал кампаніі.

Задача бота простая: паміж падзеяй і рэакцыяй на яе не павінна праходзіць паўдня. Заяўка, пакінутая ноччу, трапляе да мэнеджара раніцай першым радком, а не губляецца сярод лістоў. Сервер, які ўпаў, выяўляецца ў момант падзення, а не калі патэлефануе кліент. Тавар, які заканчваецца, трапляе ў закупку да таго, як за ім прыйдзе пакупнік.

Пра што бот умее паведамляць

• Заяўкі і заказы. Новая форма з сайта, заказ у краме, зваротны званок — з імем, тэлефонам, складам заказу і спасылкай на картку ў CRM.
• Грошы. Паспяховая аплата, адмова плацёжнай сістэмы, вяртанне, рахунак, па якім прайшоў тэрмін аплаты.
• Склад. Прыход тавару, рэштка ніжэй за мінімальную, пазіцыя, якой хопіць на два дні продажаў.
• Сайт і сервер. Памылкі, недаступнасць, сертыфікат ці дамен, тэрмін якіх сканчаецца, змена файлаў, доўгі адказ базы.
• Праца каманды. Новая задача, пратэрмінаваны тэрмін, каментар кліента, водгук на сайце.
• Рэгулярныя зводкі. Вынікі дня, выручка за тыдзень, спіс незакрытых заяўак — па раскладзе, без запыту.

Як наладжваецца дастаўка

Паведамленні карысныя роўна да таго моманту, пакуль іх не становіцца зашмат: чат, у які сыплецца ўсё запар, перастаюць чытаць. Таму ў Notifier кожная падзея мае свой маршрут і свае правілы. Заказы ідуць у чат продажаў, памылкі сервера — тэхнічнаму спецыялісту асабіста, пытанні па аплаце — бухгалтару. Частку падзей можна збіраць у зводку раз на гадзіну ці раз на дзень замест асобнага паведамлення на кожную.

Наладжваюцца і ўмовы: паведамляць толькі пра заказы даражэй за пэўную суму, маўчаць у непрацоўныя гадзіны, паўтарыць паведамленне, калі на важную падзею ніхто не адрэагаваў за пятнаццаць хвілін, пісаць пра паўтаральную памылку адзін раз, а не пяцьсот. Тэкст паведамлення таксама ваш: якія палі паказваць, у якім парадку, якія кнопкі дадаць — «узяць у працу», «адкрыць заказ», «патэлефанаваць кліенту».

Што атрымлівае бізнес

• Хуткасць адказу кліенту. Заяўка апрацоўваецца за хвіліны — а гэта наўпрост уплывае на тое, купіць чалавек у вас ці ў таго, хто перазваніў першым.
• Менш стратаў. Ніводная заяўка не застаецца незаўважанай праз тое, што нехта забыўся адкрыць адмінку ці ліст пайшоў у спам.
• Спакой з тэхнікай. Пра збой вы даведваецеся ад бота, а не ад раззлаванага кліента, і папраўляеце яго да таго, як ён паўплывае на продажы.
• Празрыстасць. Кіраўнік бачыць паток падзей кампаніі ў адным чаце, не заходзячы ні ў адну сістэму.
• Ніякіх лішніх паведамленняў. Правілы і зводкі робяць апавяшчэнні такімі, каб іх чыталі, а не адключалі.

Падключэнне

Notifier працуе з сайтамі на нашай CMS, з інтэрнэт-крамамі, CRM і складскімі сістэмамі, а таксама з любым сэрвісам, які ўмее адпраўляць вэб-запыт. Бот прымае падзеі праз просты адрас звароту, чытае паштовую скрыню, сочыць за файламі журналаў і сам апытвае сайт па раскладзе. Ключ доступу закрывае бота ад старонніх, а спіс атрымальнікаў задаяце вы.

Усталёўка займае некалькі гадзін: мы ствараем бота ў тэлеграме, падключаем патрэбныя крыніцы падзей, наладжваем маршруты і тэксты паведамленняў і перадаём вам панэль, у якой правілы можна мяняць без праграміста. Пры неабходнасці бот дублюе паведамленні на пошту ці ў іншы месенджар.

Каму падыдзе

Інтэрнэт-крамам, сэрвісным кампаніям і студыям, дзе заяўкі прыходзяць з некалькіх каналаў; складам і вытворчасцям, якім важна своечасова ўбачыць рэштку; усім, у каго ёсць сайт, за працай якога трэба сачыць. Напішыце нам — падбяром спіс падзей, пра якія варта паведамляць менавіта вам.